ثبوت وفات مسیح از سورۃ الفرقان آیت 21

وَمَا اَرْسَلْنَا قَبْلَکَ مِنَ الْمُرْسَلِیْنَ اِلَّآاِنَّھُمْ لَیَاْکُلُوْنَ الطَّعَامَ وَیَمْشُوْنَ فِی الْاَسْوَاقِ۔ (الفرقان:21)

ترجمہ: اور ہم نے تجھ سے پہلے کوئی رسول نہیں بھیجےمگر وہ بالضرور کھانا کھاتے تھے اور بازاروں میں چلتے تھے۔

حضرت مسیح موعود علیہ السلام فرماتے ہیں:۔

’’یعنی ہم نے تجھ سے پہلے جس قدر رسول بھیجے ہیں وہ سب کھانا کھایا کرتے تھے اور بازاروں میں پھرتے تھے۔ اس آیت سے یہ ثابت ہوتا ہے کہ اب وہ تمام نبی نہ کھا نا کھاتے ہیں اورنہ بازاروں میں پھرتے ہیں اور پہلے ہم بہ نص قرآنی ثابت کر چکے ہیں کہ دنیوی حیات کے لوازم میں سے طعام کاکھانا ہے سو چونکہ وہ اب تمام نبی طعام نہیں کھاتے لہٰذا اس سے ثابت ہوتا ہے کہ وہ سب فوت ہو چکے ہیں جن میں بوجہ کلمہ حصر مسیح بھی داخل ہے۔‘‘

(ازالہ اوہام۔ روحانی خزائن جلد 3صفحہ 431)