ثبوت وفات مسیح از سورۃ المؤمنون آیت 16

ثُمَّ اِنَّکُمْ بَعْدَ ذٰلِکَ لَمَیِّتُوْنَ (سورۃ المومنون:16)

ترجمہ : پھر یقیناً تم اس کے بعد مر جانے والے ہو۔

حضرت مسیح موعود علیہ السلام فرماتے ہیں:

’’یعنی اول رفتہ رفتہ خدائے تعالیٰ تم کو کمال تک پہنچاتا ہے اور پھر تم اپنا کمال پور ا کرنے کے بعد زوال کی طرف میل کرتے ہو یہاں تک کہ مرجاتے ہو یعنی تمہارے لئے خدائے تعالیٰ کی طرف سے یہی قانون قدرت ہے کوئی بشر اس سے باہر نہیں۔ اے خداوند قدیر اپنے اس قانون قدرت کے سمجھنے کے لئے اِن لوگوں کو بھی آنکھ بخش جو مسیح ابن مریم کو اس سے باہر سمجھتے ہیں۔‘‘

(ازالہ اوہام۔ روحانی خزائن جلد 3صفحہ 430)